مہر خبررساں ایجنسی نے رشیا ٹو ڈے کے حوالے سے بتایا ہے کہ عبرانی روزنامہ یدیعوت احرونوت نے صہیونی ذرائع کے حوالے سے خبر دی ہے کہ مصر فلاڈیلفیا راہداری کے حوالے سے حماس کو تل ابیب کے موقف سے آگاہ کرنے کے لیے بھی تیار نہیں ہے۔ اس ذریعے نے مزید کہا: فلاڈیلفیا کوریڈور کے حوالے سے مذاکرات میں کوئی پیش رفت نہیں ہوئی ہے۔
دیگر صہیونی ذرائع نے بھی اس بات پر زور دیا کہ مصری اور فلسطینی فریق فلاڈیلفیا کے محور میں صیہونی فوجیوں کی موجودگی کے خلاف ہیں اور اس علاقے سے ان کا مکمل انخلاء چاہتے ہیں۔
گزشتہ رات امریکی وزیر خارجہ نے دعویٰ کیا کہ صیہونی وزیر اعظم نے ان سے جنگ بندی کے معاہدے کو تسلیم کرنے اور تل ابیب کی طرف سے قیدیوں کے تبادلے پر رضامندی ظاہر کی ہے۔
امریکہ کے سیکرٹری آف سٹیٹ "انتھونی بلنکن" نے اپنی تقریر میں فلسطینیوں کے خلاف صیہونی حکومت کے جرائم میں اس ملک کے ملوث ہونے کا ذکر کیے بغیر دعوی کیا کہ امریکہ دنیا کے تمام ممالک کے ساتھ خطے سے کشیدگی کے خاتمے کا پیغام دینے کی کوشش کر رہا ہے۔
امریکی وزیر خارجہ نے کہا: ہر کسی کو ایسے اقدامات سے گریز کرنا چاہیے جس سے کشیدگی اور تشدد کا دائرہ بڑھ جائے۔ مستقل جنگ بندی کا حصول قیدیوں کی رہائی کا بہترین طریقہ ہے۔
آپ کا تبصرہ